عشان إنت مصرى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى




عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك




ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله



بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق



هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت



عشان انت مصرى وده للأسف
فلازم تاّسى تعيش تتقرف
وكل الأساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

أحمد فؤاد نجم

عشان كده انا بحب مصر

هيه دي حلاوتها

مفيش كرامه, مفيش شغل, مفيش مواصلات

هيه دي البلد اللي اي شاب بيحلم بيها

تسلم يا جاتوريد

مش هقول عليك بنت زي ناس تانيه ف منتديات تانيه

[b]هههههههههههههههههههه
اولا شكرا لمرورك الحلو ..
وثانبا شكراَ لمتابعتك للمنتديات اللى انا بروحها
تقبل تحيلتى أخىMiGhTyKoTa

شكرا لك جاتوريد والف شكرا موضوع بجد رائع
وان شاء الله الاحوال تتحسن افضل من كده