امتال تودى فى 60 داهيه

شرح المثل الشعبى المصرى

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب

أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

' اللى تعرفه أحسن من اللى ماتعرفوش'

و طبعا هذا المثل إجابه لسؤال معروف أتركه لذكاء حضراتكم اعمالا بالمثل الشعبى الذى يقول

من خاف سلم
يارب يكون عجبكم طرحي للموضوع وفكرته
واتكلم وطبعا في حرية تعبير
ومن حق كل فرض يعبر عن نفسه
صح ولا اييييييييييييييييه
ومش اي حد يشاكس يبقي مشاكس
اخوكم خلف الله

موضوع يودى فى داهيه .... شكرا على اضافه مصيبه روعه

شكرا لك

طبعا فى داهيه

شكرا موضوع جيد جيدا

ابه ياجماعة انتوا مضحين فى نفسيكم ولا ايه الحكاية ايه رأيكم فى فلسفة المصريين الرهيبة دى (ده شبع لكن اللى جاى لسه حيشبع)

» حادثه انقلاب سياره اجره تودى الى وفاه مدرسه من عزبه البوصه على طريق الكرنك