منتدى العزبه




 
الرئيسيةالرئيسية  مكتبة الصورمكتبة الصور  بحـثبحـث  التسجيلالتسجيل  دخولدخول  

شاطر | 
 

 بتاع الكشرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالباسط
نقيب
نقيب
avatar

ذكر مساهماتى بمنتدى العزبه؟ : 65
العمر : 27
الموقع : زى قلته
العمل/الترفيه : رياضه
دا مزاجى :
دعاء :
وظيفتك هى ايه؟ :
تاريخ التسجيل : 17/01/2009

مُساهمةموضوع: بتاع الكشرى   الثلاثاء أبريل 28, 2009 11:52 pm

تعودت منذ عدة اعوام ان ارتاد احد المقاهى تقريبا كل يوم لاتلذذ الشاى الساخن و انا اتابع المارة فى جميع الاتجاهات. بعد قليل يبدا احساس الجوع يضايقنى فلا اتردد لحظة على مناداة عم حسين "بتاع الكشرى" ذو الزى الابيض الناصع باعلى صوتى قاءلا: "واحد كشرى يا راجل يا بركة و صلحه."... موقف عابر يحدث لتسعين بالمائة من البسطاء فى شعبنا الجميل و لكننى لم اتخيل لحظة انه سيكون اساس النظام الكروى فى الدورى المصرى الممتاز للمحترفين و ان يكون ما تطالب بتنفيذه جميع الجماهير الابيض منها و الاصفر...و عجبى على راى صلاح جاهين!!!



من الكتاكيت الى بتوع الكشرى: واحد دورى ممتاز و صلحه...و نظرية ادينى عقلك








فهذه الجملة البسيطة التى انادى بها على عم حسين "بتاع الكشرى" قد تم تحريفها قليلا يوم 28 ابريل 2009 ليقولها الكتاكيت الصفر الجعانين بطولات لبتوع الكشرى فى الوسط الرياضى اصحاب الزي الابيض المقلم بهذه الطريقة: "واحد دورى ممتاز و صلحه" بل و زودوا عليها كلمة "واتوصى".



ما حدث اليوم فى المباراة التى يزعمون انها القمة الثانية فى مصر بين الكتاكيت و حبايبهم بتوع الكشرى مهزلة بكل المقاييس. تواطؤ واضح امام الجميع, اهداف لا تدخل شباك حارس بنى عبيد لفريق تحت 12 سنة لكنها اصابت مرمى احد حراس الفراعنة, لاعبون يبتسمون حين يصابوا بهدف او حين تضيع من تحت ارجلهم الكرة بغرابة ابتسامات صفراء تعبر عن حقد دفين تجاه الشياطين الحمر اللى مخوفينهم من زمان و كايدينهم و غايظنهم.



"اللى بيخاف يطلع برة" قالها الفنان محمد هنيدى فى مسرحية لكننى ارى انها جملة مفيدة جدا اذا اتبعها الخوافين و المنهزمين من الاول لظل الدورى الممتاز نظيف ملى بالمنافسة الشريفة بدلا من استخدام الاساليب الملتوية من اجل هزيمة من لم تقدر عليه. يا سيدى لو خايف امشى و روح نافس اللى قدك بدلا من استخدام نظرية التى.ار.اس بتاعة احمد حلمى.



نظرية ادينى عقلك:



مباراة اليوم كانت قاءمة على نظرية "ادينى عقلك" فجاءت احداثا المتبعة لسيناريو كتب منذ اسبوع و بالتحديد بعد مباراة القمة و هو يفوق سيناريوهات السينما المصرية فى الماءة عام الاخيرة حبكة. فبعد ان قيل لى قبل المباراة من جماهير الشياطين ان بتوع الكشرى هاظبطوا الكتاكيت الصفر رديت:"لا يا جماعة عيب الكلام ده...الكورة فى مصر غلبتها الاحترافية و بعدين المرب بتاعهم ده راجل خواجة قد الدنيا مستحيل يعمل كده ده اكل عيشه." بعديها سمعت معارضات كتير قلت استنى و اشوف و يا ريتنى ما شفت, اقول ايه: فضيحة مثلا!!!



ابتدى الماتش و الكورة مع الكتاكيت و بعد اربع دقايق الهدف الاول من عرضية لو جبنا اسوا مدافع فى العالم كان تمركز احسن شوية. قلت يمكن غلطة و هتعدى. بعديها بشوية كورة داخل المنطقة مدافع المنتخب صلحها للمهاجم الاصفر ولا رفعت الفناجيلى فى عزه عشان يجيب الهدف الثانى, بدات اشك بس قلت فى عقلى: عيب يا واد. بتوع الكشرى قالوا انهم بتوع مبادى ميعملوش كده. و فعلا العندليب احرز اول هدف لبتوع الكشرى من الغلطة الوحيدة للحكم فهيم عمر بعد ما العندليب دفع حارس الكتاكيت داخل الستة ياردات. فى اخر الشوط المدافعين جريوا عشان يوسعوا الطريق للمهاجم اللى حط الكورة فى منتصف المرمى لتعلن الهدف الثالث و ينطلق الحارس فى الضحك و يبدا باقى الفريقين فى توزيع الابتسامات و تبادل النكات.



ما حدث بمباراة اليوم من المستحيل ان يمر مرور الكرام على طفل ذو سبعة اعوام فدعنا نرى ماذا ستفعل اللجنة السرية للتلاعب بالمبارايات التى انشءت منذ ايام فى الاتحاد و ربنا على الظالم و المفترى. و الاغرب ان جماهير بتوع الكشرى كانت تتمنى هزيمة فريقها و يبررون ذلك بانهم فى كبوة فالهزيمة شى عادى فوصلت بهم الوقاحة لتمنى خسارة فريقهم حتى يعطوا الاسماعيلى فرصة لفعل ما ام يقدروا عليه. و الغريب ايضا ان فريقهم الذى يمر بمحنة احتفلوا به منذ اقل من اسبوع كأن اعضاؤه كانوا من ابطال اكتوبر لمجرد تعادلهم مع الشياطين...و عجبى على القمة اللى التعادل فيها اصبح مكسب!!!



اود ان اقول للشياطين ان الكبير كبير و ان المنافسة الشريفة ستجلب لك الدرع بجانب التفانى فى العمل و الاخلاص و لا تلتفت للصغار المتكالبون عليك فالجميع ضدك و هذه سمة الابطال و ستفوز بالدرع بدون مساعدة احد فانت لست بعاجز عن فعلها مثلما فعلتها كثيرا من قبل و حرقت دمهم.



بالنسبة للمادة 18:



أنا أرى ان الاتحاد المصرى عليه ان يرسل للفيفا ليستفسر عن شرعية وجود الكتاكيت و بتوع الكشرى فى دورى واحد مثلما فعل مع اندية البترول فربما يكونون تابعين لجهة واحدة و نحن لم نكتشف ذلك من قبل او يمكن يطلع الطواطؤ ده سسبه :القلب و ما يريد و كمان ممكن بيع قلبك شوف الشارى مين.



ملحوظة:



اتمنى تحرى الدقة فى اختيار الحكام فى المبارايات القادمة حتى لا تتكرر مذبحة المماليك التى حدثت فى مباراة امس.




منقول من WWW.AHLYNEWS.COM
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

ذكر مساهماتى بمنتدى العزبه؟ : 719
العمر : 32
الموقع : سبحان الله والحمد الله والله اكبر ولا اله الا الله
العمل/الترفيه : عزباوى
من اين تعرفت علينا؟ : صديق
الاوسمه :
دا مزاجى :
دعاء :
وظيفتك هى ايه؟ :
تاريخ التسجيل : 22/09/2008

مُساهمةموضوع: رد: بتاع الكشرى   الأربعاء أبريل 29, 2009 9:02 pm

حمد الله على السلامه يا عبدو عاش من شافك واحشنا واللهعاوزين نشوفك على طووول يا راجل

_________________
يجب الالتزام بقوانين منتدى عزبه البوصه هام جدا
http://azba.yoo7.com/montada-f10/topic-t633.htm
تعلم الاساسيات ثم ابحث عن الباقى
اتعلم كل الاساليب ثم ابتكر اسلوبك الخاص
برغم من هدوء الماء فانه يحطم الصخر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://azba.yoo7.com
عبدالباسط
نقيب
نقيب
avatar

ذكر مساهماتى بمنتدى العزبه؟ : 65
العمر : 27
الموقع : زى قلته
العمل/الترفيه : رياضه
دا مزاجى :
دعاء :
وظيفتك هى ايه؟ :
تاريخ التسجيل : 17/01/2009

مُساهمةموضوع: رد: بتاع الكشرى   الخميس أبريل 30, 2009 11:01 am

اعذرنى بس والله انا عارف ايه اللى بعمله وكمان لو هتعلق على كلامى والله فى مواضيع كتيره مش بتعلق عليها زى موضوع التعليق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بتاع الكشرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العزبه :: المنتديات العامه :: المنتدى العام-
انتقل الى:  
أفضل 10 أعضاء في هذا الشهر