رجاء الى الصعايده

رجاء وتوضيح الى اخوتى بالمنتدى هذا الموقع خاص بعزبه البوصه اى بالصعيد فرجاء منقولش نكت على الصعايده الى هما احنا ولا احنا نسين انه احنا صعايده
ولا هو قص ولصق فقط

تحياتى

شكر لكى سندريلا على مشاعرك الجميله والنبيله, والرجاء جميل جدا

وكلامك ايضا واضح ولكن هذه مجرد نكت ومش شرط ان يكون واحد صعيدى قد فعلها

ممكن يكون اسكندرانى او خليجى او اى شخص اخر..

وهذه النكت ليست عدم احترام للصعايده والله ولا عدم تقدير ابدا والله.

بل والله هى تقدير واحترام للصعايدى ,, فمثلا انظرى الى جميع الافلام والمسلسلات

الموجوده حاليا تتكلم على الصعايده..

وانظرى ايضا اكثر المسلسلات نجاحا سوف نجد المسلسل الصعيدى والفليم الصعيدى

ودا تقدير واحترام لكل صعيد مصر ولكل صعيدى موجود فى شمال وجنوب مصر

وشكر لكى مره اخرى

مشكوره اختى على الرجاء
بس زى ما قال الاخ مصرى دا حب
وتقدير مش استهزاء
.
.
رجاء الى الصعايده Thanks_graphics_27

بس انا مع سندريلا انه النكت دى استهزاء بالصعايدة حتى فى المسلسلات بيجيبوا الصعايدة على انهم ناس متحجرين ومبيفهموش ومقفلين وناس من العصر الحجرى (بس انا خايف الصعايدة يعتروا على المنتدى ويطخوكم عيارين يا واد عمى ويغور المتدى واحنا مش ناقصين خلينا بعيد عن الصعايدة يا واد عمى ) الكلام ده مثال للصعايدة فى المسلسلات وكأنه الصعيد للاسف الشديد بقر وسامحونى فى الكلمة دى لكن هو الواقع عمره ما سمعنا مرة واحد خليجى ولا بحراوى ولا غيره وده برده مرفوض فالنكت لا تكون استهزاء ببلد او جماعة او شخص او غيره اخوكم بو على

عارفين ليه شباب لان الصعيدى مشهور بالجهل والتخلف وانا مش بتكلم على الشباب المتعلم وطلع بره بلده وعرف انه فى البلد عايشين فى ظلام تام رغم كل التقديم الرهيب لحضارات العالم وظهور الاجهرة الالكترونية وتقدم العلم ونهاية التخلف ارجع واقول ان التخدلف والجهل مازالو موجودين وانا لا اتكلم على شباب عزبة البوصة لانى عارف شباب البلد متفاهم جدا ومتحضر ولكن انا بتكلم على البلدان الاخرى
والله يا شباب انا معاى واحد من فرشوط اقسم بالله فى قمة التخلف
فى مرة اشترى تليفون سونى اريكسون k800i قلت فى بالى عادى لان الكل يعرف ان سونى اريكسون استعماله غير نوكيا او اى تليفون تانى وعلى راى انس ابو صالح ( ده عاوز واحد مثقف علشان يعرف يستعمله ) المصيبة الكبيرة انت بتاع فرشوط مش بيعرف يقرأ .
ومرة تانى كان الشاحن بتاع التليفون مكانش راضى يشحن معاه راح قطع الراس بتاعت الشاحن وعاوز يحطها فى الكهرباء لولا مواحد دخل على من الموظفين كان اتكهرب وكان التليفون ضرب .
مرة تانى احنا عندنا فى المطعم تليفزيون 110 بوصة وكان عاوز يوصل الكهرباء بتاعت التليفزيون وكان هيركب واير الكهرباء على بلاك كهرباء 350فولت والتليفزيون بيشتغل على 250 فولت وكان هيحرق التليفزيون . المشكله بانه لو كان اتحرق كان فضل الولد ده يشتغل 12 سنة ونص لانه الولد راتبه 100 دينار والتليفزيون 15 الف دينار يعنى حوالى 300 الف جنية مصرى
وغيرة كتيييييييييييييييييييييييييير منه ومن غيره
ومعلش يا شباب المشكله فينا احنا مش المشكله فى اللى بيطلعو نكت .
تحياتى

احمد الكبير

شكرا على موضوعك ياأحمد الكبير
ويارب ترجع بالسلامه
امضاء:
khlfawy

الى أخى الكبير المشكلة زى ما قلت فينا إنه احنا بنستهزء بانفسنا الاخ اللى بتحكى عليه الفرشوطى ممكن يكون زى ما قلت بس أكيد الفراشطة فيهم ناس كويسة كتير والصعيد عامة رغم إنه فيه جهل وتخلف وأنا اعترف بذلك إلا أنه فيه كوادر وناس كويسة كتير وتخرج منه الكثير من العلماء والمبدعين وما زال الصعيد معطاء وهم لو عايزين يقضوا على الجهل فى الصعيد ميكونش بالسخرية والاستهزاء من الصعيد فى الافلام والمسلسلات وانتم عارفين ده ليه لانه الصعيد رغم اللى فيه الا انه ما زالت فيه النخوة والرجولة والغيرة على الاعراض وهم مش عايزين كده هم عايزين الشباب الروش الشباب اللى مسقط الشباب ابو لبانة اللى مش ناقصة غير البزازة عايزين البنات الصايعة اللى تلبس على كيف الشيطان وتتحلل من الاخلاق والقيم وربنا يصلح الحال مش كده يا كبير ولا ايه واوعى حد يزعل من كلامى اخوكم ابو على الصعيدى

ياجماعه لو سمحتوا مش عاوزين حد يزعل مننا ومش عاوزين نجيب سيره بلد تانيه باستهزاء

مش عاوزين نعمل كرهيه لينا ....

انا بقى ليا راى مختلف جدا جدا

النكته دى شئ عادى ومش لازم نكبر الموضوع يعنى

اللى على راسه بطحه ما يحسسش عليها عسشان ماتتفتحش

كبرو مخكم شويه

مش نكته اللى هتخرب الدنيا

ربنا يهدى

ال الأخ حمدي الفولي ازاي النكته علينا شئ عادي وازاي نكبر مخنا ونطنش الحاجات دي احنا طلع من عندنا العالم في علوم الدين وعلوم الدنيا والوزراء والرؤوساء وفي الأدب وعلي سبيل المثال لا الحصر من العلماء الشيخ المراغي من المراغة ورفاعة الطهطاوي و د/ محمد سيد طنطاوي شيخ الأزهر الأسبق و د/ أحمد الطيب شيخ الأزهر الحالي و د/ عبد المتين موسي رئيس جامعة جنوب الوادي الأسبق ومن الرؤساء الرئيس الراحل جمال عبد الناصر ومن الوزراء د / نادية مكرم عبيد وزيرة البيئة و د / ماهر محمد مهران وزير الاسكان الأسبق وفي الأدب الشاعر عبد الرحمن الأبنودي وأمل دونكل وغيرهم كتييير مما لا يسع المجال لذكرهم الأّن دا انا لما كنت ف الكليه كنت ازعل لما حد يقول نكتة ع الصعايدة وارفض ان أي حد يقول نكتة علينا حتي لو كان صاحبي احنا مش أقل منيهم عشان يقولوا علينا كده واحنا اللي عندينا الرجولة والنخوة والغيره ع العرض وأهل الكرم يبقي ازاي يقولوا علينا كده ونقول ع النكت اللي تتقال علينا شئ عادي ونكبر مخنا احنا ما نقبلش اللي يعمل من أصلنا وسمعتنا كصعايدة أضحوكة .........

» رجاء وطلب قل ( لا )