تجار مركز ابوتشت مقبوض عليهم بلا استثناء

تدخل مركز ابوتشت تلاقى معظم محلات ومعارض ودكاكين مدينه ابوتشت وقرى ابوتشت مقفله..

السبب :- سيارات التموين بتمر على جميع محلات ومعارض والدكاكين .

بتمر ليه ياترى :- علشان تبحث عن مصادر الانتاج وهل المعلبات صالحه للاستهلاك الادمى ام لا . ودى حاجه كويسه طبعا.

بس المش كويس انهم يذهبوا مثلا الى محلا السباكه(الادوات الصحيه, الادوات المنزليه)

امام احدى المحلات يدخل الموظف طبعا ليه احترام كبير جدا علشان لو زعلته تبقى مصيبه , يفضل يدور ويدور طبعا مش هيلاقى حاجه ,

يقولك فين الفواتير

يرد التاجر الفواتير موجوده

موظف التموين موجه كلامه الى التاجر:- اركب العربيه يلا .(كانه مجرم )

التاجر الفاتوره موجوده اتفضل


الموظف ياعم اركب كلها خمسين جينه ادفعها فى النيابه واطلع

ولو فى منتج صينى تبقى مصيبه.

موظف التموين :- ايه ده منتج صينى فين فاتوره المنتج ده

التاجر دا مالهوش فواتير ودى حاجه معروفه ,

الموظف يلا بينا على نيابه ابوتشت وتفضل يا معلم مستنى النيابه المسائيه وتركب

سياره المجرمين ومنظرك يقرف والله وتفضل مستنى فى المركز مستنى بالساعات.


والغريب انه فى احد هولاء الموظفين وهو فى رتبه مدير بيطلع بنفس عربيه التومين
ويوقف امام احد التجار ويطالبه بفلوس (عشره جينه )علشان يسيبه
وميعملش محضر ليه.

واسهل حاجه عندهم يعمل حاجه اسمها (تكت) يعنى مافيش عرض الاسعار.

ودى ابسط الامور وما خفيا كان اعظم

والباقيه فى الايام المقبله,,

وطب وبعدين :-