حاول تضحك مره تانيه

*واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد.

*ناظر اتجوز وزع على المعازيم ارقام جلوس.

*سودانى اتجوز سودانية خلفوا ولد اشقر وعيونه زرق سموه المستحيل.

*المدرس : كم حاصل ضرب واحد في ثلاثة ؟
التلميذ : ثلاثة ـ اداه المدرس ثلاثة جنيه
فقال التلميذ : ياريتني قلت عشرة.

*واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.

*مرة مدرس دخل الفصل فقال للتلاميذ يعيش السمك في الماء رد التلاميذ يعيش يعيش يعيش.

*محشش فتح محل سماه بقالة الاقمشه لحلاقة الاحذيه الغذائيه.

*مرة دكتور راح مستشفى المجانين لقى كل العيانين بيتنططوا على السرير,لقى واحد قاعد لوحدة راح ساله قالة هما بيعملوا كدة لية ،رد عليه و قالة فاكرين نفسهم فى حله فشار قالة وانت قاعد كدة لية قالة اصلى لزقت فى قعر الحله.

*اثنين محششين قاعدين قدام مرايا الاول قال للثاني قوم نسلم على اللي قدامنا ولما وقفوا الثاني قال اقعد اقعد هما جاين علينا.

*بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن الكلب بابا واحده كفاية.

*التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد.

*بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز ضربه..
بلدياتنا: إحنا (بنفكر) ولسه مكملش ............راح الجهاز ضربه!!

*واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا".

*واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط.

*مرة صرصار دخل المستشفى بيسال الصرصار اللى جنبة بيرسول؟ قالة لا زنوبة

*واحد أعمى فتّح ... من الفرحة اتشل.

*مرة واحد رخم ضرسه كان بيوجعه... راح للدكتور و قاله اخلعلي كل ضروسي و سيبه لوحده زي الكلب.

*واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بصحى الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش مندهش ............. فإندهش.

*سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى
فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك.

*
راجل بخيل بيموت, فسأل أولاده: أحمد أنت هنا يا حبيبى؟ أيوة يا بابا أنا هنا. منى أنتى هنا يا حبييبتى؟ أيوه يا بابا أنا هنا.
محمود :أنت هنا؟ أيوه يا بابا أنا هنا. الأب :أنتم كلكم هنا يا ولاد؟ الأبناء :أيوه يا بابا كلنا هنا. الأب
:أمال يا كلاب سايبين النور اللى بره ده لمين؟

*حشاش راح يخطب قالو ابوها الشقه عليك قالهم ماشى و انتم عليكو البيره و الحريم.

++++++++++++ يا رب تعجبكم ++++++++++++

كلهم حلوين جدا والله, شكرا لك كوتا على اختيارتك الجميله

ودى نكته عجبتنى بجد
واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر.
"ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا".

» حاول تضحك
» من لم تبك الدنيا عليه00لن تضحك الاخرة اليه
» صعيدية تقتل شابا حاول اغتصابها وتحرق جثته في فرن منزلها