محصل الكهربة موجود عند دكان الحج حسان

اكتر حاجة بكرة نفسي لما اسمعها

هو النداء الجماعي ده

و كأن احنا عبيد عند الاخ محصل النور

مش المفروض هو اللي يلف ع اللببوت و يحصل النور

اسمه محصل النور

مش مستني تحصيل النور

سيادته.. حضرته..

قاعد مستني المعونة الشهرية

ولا نقول الجباية الشهرية ع الاهالي

قوم ياخي اعمل بالفلوس اللي مش عايز اقول عليها حرام دي
حلل جزء منها

ده شغلك ولا شغلنا

اساسا مفيش إلتزام من اي حد
عايزينه هو اللي يلتزم يعني
علي راسه ريشه مثلا

علي رأي تامر حسني
انا نفسي اكتب لك ألف غنوة بس انا مبيديش

كل سنة و انتم طيبين و يعود علينا و عليكم الشهور بخير

اه نسيت

اهالي البلدة الكرام _اللغة العربية مقطعة بعضيها_ محصل النور موجود عند الحج حسان
دي صيغة الجزرة
يعني ادفع بالذوق

و من يتأخر علي السداد هيدفع غرامة
ده تقريبا اللي بيقوله
و دي صيغة العصا
هتدفع يعني هتدفع

اللي انا عايز اقوله
المفروض هو اللي يلف ع البيوت و ياخد يحصل الفواتير
مش احنا اللي نروح له علي ما بلانا
و نقعد واقفين بالطابور عشان ف الاخر ياخد مننا فلوس

انا بأطالب بوفقه إحتجاجية عند الصهريج بكرة الصبح قبل العصر بعد العشا ع الساعه 12 نص الليل كده
شوف انتا فاضي امتا و احنا معاك يا ريس

معلش طولت عليكم
أترككم في رعاية الله و امنه

العب يا لعيب