عشان قنا-------شاعر السماعنه مصطفى هاشم

علشان قنــا هي الأساس

مش عايز اكتر في الكلام وابدا واعيد

علشان قنا من يومها دي قلب الصعيد

فيها الفراعنة حكموا مصر وأرضها

وفيها يوسف النبي حفظ الحصيد

تلتين اثأر الدنيا فيها والتاريخ

يشهد بأن قنا تاريخها كان مجيد

هي مصر العليا في كل الخرائط

وهي عاصمة مصر في العهد البعيد

هي نور وكهربا وسكر لمصر

هي اقتصاد من غيره يصعب أي نصر

إياك تفكر إن قنا معمل تجارب

ممكن نسامح مرة والتانية نحارب

طول عمرنا وقانونا إحنا نسطره

وتارنا بيدنا بناخده مش بنسخره

إحنا جوى الدولة دولة بعزنا

حافظين قانونها وهي حافظة عرفنا

حافظين بلدنا من الفساد والمفسدين

لا فيها متحف أتسرق ولا حد قال في معتدين

عارفين نفرق بين مظاهر وبين مخرب مهما كان

أصل ألحرامي وسط شرفا عمره ميكون له مكان

ومهما حاول يستخبى هنكشفه ونكتفه

ونتفتفه ونلففه يجي ميت مكان

حافظوا علينا علشان بلدنا تعيش أمينة

طول عمرنا ويا القانون بس القانون ,
ميجيش علينا ؟

علشان قنا هي الأساس في حكم مصر

وطيبة لأقصـر والتاريخ في كل عصر

يشهد بإن بلدنا نجمة كل عصر

شاعر السماعنه مصطفى هاشم

كلام جميل تسلم يدك أستاذ // حسام

» عشان قنا اين اخبار قنا
» وصيه لشاعر السماعنه-مصطفى هاشم -كوم جابر
» عشان إنت مصرى