حاول تضحك

*واحد كهربائي أتجوز أربعة.. جابلهم مشترك.

*صعيدي بيعد الأرقام بالانجليزي: وان، توو، ثري، فور، فايف، استغفر الله؟ عيب عليك.

*واحدة فافي راحت لمصنع من مصانع تعبئة الألبان وشافتهم وهم بيحلبوا البقر فسألتهم طب والبقر الفاضي بتعملوا فيه أيه؟.

*كان في واحد شكله وحش قوي قوي عايز يتجوز فراح وأتقدم لواحدة فابيقول لأبوها: أنا يا عمي بلا فخر عملت نفسي بنفسي، فرد عليه: ما أنا برضة بقول استحالة تكون خلقه ربنا.

*واحد بلديتنا كسب 60 مليون دولار اشترى رونالدو.

*مسطول راح يودع فلوسه في البنك لقاه مغلق قام دخل الفلوس من تحت الباب.

*صعيدي مع خطيبته في الكازينو انقطعت الكهرباء. قالتله: يالا بقى أنتهز الفرصة. قام هرب من غير ما يدفع الحساب.

*صعيدي قالوله بكره عيد الحب قال: يوووه أيه الورطة دي! وده صلاته إزاي.

*بيقولك مرة واحد قرر يرشح نفسه رئيس الجمهورية، مسكوه بتوع أمن الدولة وقالولوا أنت عبيط ولا أيه؟ قالهم هو شرط؟.

*مرة واحد راح السودان بالليل ملاقاش حد.

*واحد بيقول لخطيبته لما ازمرلك انزلي قالتله هو أنت اشتريت عربية قاللها لا اشتريت زمارة.

*إليسا وهيفاء ونانسي راكبين قطر وبيتكلموا عن فارس أحلامهم ، إليسا قالت: نفسي أتجوز ضابط. وهيفا قالت: نفسي أتجوز صيني. ونانسي قالت: نفسي أتجوز لاعب كرة مشهور. سمعهم واحد متطفل دخل عليهم وقالهم: معاكوا العقيد/ شونج يونج الشهير(بأبو تريكة).

*صاحب شركة بامبرز دخل في قضيه خرجوه بكافولة.

*ندل يبكي في جنازة سألوه تعرفه ؟ قال: لا بس سمعت ان البكاء يعذب الميت.

*واحد زرع وردة ‏طلعتله أم كلثوم.

*مرة واحد راح يوكل محامى ‏لقاه صايم.

*واحد رمى يمين الطلاق على مراته ماجاش فيها.

*كسلان دخل الامتحان وقع منه القلم ‏سلم الورقة.

*مرة واحد باع اللى وراه والى قدامه واشترى إللى جنبه.

*بقرة جالها جفاف نزلت نيدو.

*ليه الخشب يتيم؟ لأنه مقطوع من شجرة.

*مرة 5 ‏دخلوا كلية الهندسة اثنين طلعوا مهندسين وثلاثة مدينة نصر.

*ليه الصعيدي الصغير أذكى من الصعيدي الكبير؟ لأنة مابقالوش كتير صعيدي.

*مرة ضابط مصري وضابط إسرائيلي دار بينهم هذا الحوار. الإسرائيلي: الا قوللي انتم بتاكلوا أيه ع الفطار؟ المصري: فول بالزيت. الإسرائيلي: طب بتاكلوا ايه ع الغداء؟ المصري: فول بالطماطم. الإسرائيلي: أمال بتاكلوا أيه بقى ع العشاء؟ المصري: فول بالبيض. الإسرائيلي (بتريقة): أمال أيه الفرق بينكم وبين والبهايم؟ المصري: سيناء.

*اثنين بلدياتنا قاعدين بيمصوا قصب لما حبو يقوموا ملقيوش الشوم بتاعهم.

*أيه أسرع ثلاث وسائل لنشر خبر؟ ..........Telephone – Television - Tell a Woman

*مرة واحد قتل أبوه وأمه وخاله وبعدين قطع رجله. فسألوه ليه؟ قال علشان رجلي ما تجيش في القضية.

*خبير أرصاد جوية ‏أتجوز وخلف بنتين الكبرى 27 ‏والصغرى 13.

*واحد ركب اتوبيس شاف واحدة قاعده راح بصلها فبصتله, ضحكلها ضحكتلو غمزلها غمزتلو راح شاورلها على المحطة, فنزلت.. راح قعد مكانها.

*واحد وقع من الدور الثاني لقى مصرعه، وواحد وقع من الدور الرابع لقى حتفه، وواحد وقع من الدور الثامن لقى الاثنين مع بعض.

*مرة واحد غبي راح السينما هو ومراته أول ما النور أنطفا قالها قومي يا ولية شكلهم هيناموا.

*مرة واحد اشترى لمبة مسمار فدقها في الحيط.

*مرة واحد سمع أن الجرائد هتغلى. راح اشترى منها كمية كبيرة.

*واحد فافي وهو نازل من البيت أمه سألته رايح فين؟ فقال لها مش هقولك أنا حر، نزل ووقف تاكسي فالسواق سأله على فين يا باشا؟ قاله يعني أنا مقولتش لأمي هقولك أنت!