يااااااااااه
امي
حنان ملوش حدود .. اعظم انسانة ف الوجود
ماما
مهما ح احكي اللي ف قلبي و اللي نفسي اقوله ليكي
مش ح يطلع حتي نقطة ف بحر احساسي بيكي
كان حلمك تبقي سعيدة مع زوج حنون عليكي
تبنوا حياة جديدة و ولادك حواليكي
و يادوب حققتي حلمك جه و هد البيت عليكي
فجأة راح سابك وحيدة ساب ولادك حتي ليكي
سابك محتارة و حزينة و الولاد ماسكين اديكي
و بقا عندك الاختيار بيت جديد و فرصة تانية
او تعيشي عمرك وحيدة مع اولادك الصغار
مسئولية صعبة جدا كنتي قد الاختبار
قلتي ح اختار ولادي لو ح اربيهم ف نار
و النهاردة دول حياتي مش ح اسيبهم مهما صار
اللي قلك لية تضحي و اللي قلك دة انتحار
و اللي قالت بكرة تيجي تنبدي سوء الاختيار
الولاد دول كانوا احنا انا و اخواتي الكبار
قدرتي تعدي بينا و تربينا و دة انتصار
و جي اقولك بابتسامة من قلبي شكرا يا ماما
يااااااااااااااا
شكرا يا ماما
يااااااااااااا امي
دعوة حلوة منك و ايديكي ف السما
يسمع ربي منك و ينورلي انا
شكرا يا ماما
دعوة حلوة منك و ايديكي ف السما
يسمع ربي منك و ينورلي انا
كانوا مرة و اوقات كتيير الظروف واقفة ضدك
كنتي بتخبي علينا و تدخلي تبكي لوحدك
و اما يدخل حد فينا بتضحكي و تداري دمعك
بس كنت ببقا عارف مرة بالصدفة سمعتك
وقتها انا رحت حالف باللي خلقك و بغلاوتك
ان م ح تغفل عيوني الا لو فرحت قلبك
و يجي اليوم اللي تكوني فية فخورة ان انا ابنك
لما بشوفك و انتي قاعدة بفضل اراقبك من سكات
و القا نفسي بقول لنفسي بحب فيكي كتيير حاجات
لما بتحكي يوم ولدتي يوم م خدتيني ف ايديكي
رحتي حضناني بمحبة كل تعبك راح عليكي
كنتي بصالي ف عنيا قلتي يومها سألتي نفسك
انتا اية و حتبقي مين؟؟ يا رب يطهرلي قلبك
كنت بهرب من اديكي و ياما بدلع عليكي
و لما احس بخوف و غربة بجري و استخبي فيكي
لو ف يوم حسيت تعب جوه حضنك تحتويني
و بصوت حنون و دافي تدعي الرحمن يشفيني
و لما انكسر او افشل و يبقي الامل فاني
بتقوليلي قوم و كمل قوم و حاول مرة تاني
طول م فيك الروح يا ابني قوم و حقق الاماني
ثق ف ربك ثق ف نفسك قوم عشانك قوم عشاني
بسبك انتي بقيت بقدر طبعا انتى ست قيمة
لاني طول م انا كنت بكبر كنت شايفك انتي ازاي عظيمة
دا انا مهما كبرت هاجي و اوطي علي رجلك و ابوسها
د انتي امي و انتي عمري و كل حاجة حلوة حاسسها
من كل قلبي .. شكرا يا ماما
ياااااااااااااا امي
دعوة حلوة منك و ايديكي ف السما
يسمع ربي منك و ينورلي انا
شكرا يا ماما
دعوة حلوة منك و ايديكي ف السما
يسمع ربي منك و ينورلي انا
دعوة حلوة منك و ايديكي ف السما
يسمع ربي منك و ينورلي انا
دعوة حلوة منك و ايديكي ف السما
يسمع ربي منك و ينورلي اناااا
حمل من هنا
الرئيسية
أحدث الصور
التسجيل
دخول
