إذا كنت قادر اصنعه اليوم ده!! .. ف أيه لزوم الإنتظار للغد؟؟
و إذا كان سؤالي جوابه ف إيديا!! .. إشمعنه بكره راح يجيني الرد؟؟
و إذا كنت عارف قوتي وضعفي!! .. ح أستنه ليه أأخد نصيحة حد؟؟
وليه بدال الحلم ما ياخدني لحلم تاني ينتني و ينسد!؟!؟
إذا حلمي كان يتحقق اليوم ده!! .. ف أيه لزوم الإنتظار للغد؟؟
ف كل قلب الحلم متعطش .. مين اللي يسقي الحلم إلا أنا؟؟
ومين يفتح وردنا فينا؟! وصدورنا جوه صدورنا عطشانه
و لو نطقنا الكلمه بلسانا .. منين حتبقي الكلمه طايلانا؟!
تاخدنا إمتي وراها كلمتنا؟ إذا ممشيناش و الكلمه جوانا!!
فكل عين الحلم ملوي العين....الحلم حلم و بس
و أهي خانه .. لو لم نخلي الحلم له ميت عين نشوف حياتنا يشوفها ويانا
نقطعها مشاوير صبح بقلوبنا نمشيها يفرش حلمنا ويتمد
أحلام وسيعه بوسع خطاوينا أحلام لا تتقيد ولا تتحد
أحلام بدحكه و صبر و عيون شايفه أحلام بخطوه و سطوه و متيين يد
أحلام نغنيها صداها يعاود يفرش طريقنا بالندي والورد
و إذا كنت قادر اصنعه اليوم ده!! .. ف أيه لزوم الإنتظار للغد؟؟
و إذا كان سؤالي جوابه ف إيديا!! .. إشمعنه بكره راح يجيني الرد؟؟
إفتح شبابيكك يا شعب يا صابح صبح علي اليوم الجديد بالبق قطع قيود القوه
و أزرع صوتك علي الروابي و البحور الزرق حارب طلاسم دنيتك و أملاها شبابيك
و إطلع بالحياه م الحق و إنزح حقوقك من ضوافر يومك صارع و كافح و إمشي و أجري و زق
و إن وقفك ف السكه بحر معاند أضرب عصايتك جوه موجه وشق
عمر الأماني ما تبني حيطه مايله و لا العلالي تتصعد بالبق
تقف الحياه إلا إذا أحنا مشينا ولا السنين من غير عمل تتعد
ولا البيبان من غير إيدين تتفتح ولا البيبان من غير إيدين تترد
إذا كنت قادر أعمله اليوم!! .. ده ف أيه لزوم الإنتظار للغد؟؟
و إذا كان سؤالي جوابه ف إيديا!! .. إشمعنه بكره راح يجيني الرد؟؟
اسمعها بصوت الخال احسن
دوس هنا